Contenido

Os Fondtesoro (fondos de investimento en Valores del Tesoro)

 

•   
• Características
• Modalidades
• Comisións e
  xestoras
• Ptos.Venda
• Vantaxes

 

•  Fondtesoro son unha modalidade especial de Fondos de Investimento que invisten gran parte do seu patrimonio en Valores del Tesoro. Polo tanto, supoñen para o investidor (denominado partícipe no fondo de investimento) unha forma indirecta de investir en Valores del Tesoro: en lugar de manter directamente estes valores, se posúen participacións nun fondo de investimento, que pola súa vez é quen mantén na carteira Valores del Tesoro.
  
  
•  Os Fondtesoro son promovidos e administrados por Sociedades Xestoras que, tras un proceso de selección, asinaron co Tesoro Público un convenio de colaboración que os obriga a cumprir determinadas condicións, en particular, investir unha determinada porcentaxe en Valores del Tesoro, non exceder uns topes máximos nas comisións e gastos cargados ao Fondo e ao partícipe, e non esixir cantidades moi altas para poder ser partícipe. A cambio, o convenio permítelles usar a marca Fondtesoro e gozar do apoio publicitario do Tesoro Público.
  
  
•  Os Fondtesoro, actúan sempre en réxime de capitalización polo que, en lugar de distribuír entre os seus partícipes os rendementos que reciben polos valores da súa carteira, reinvístenos; este feito aos partícipes beneficiarse dun trato fiscal favorable das rendas obtidas que non tributan mentres non se produza o reembolso das participacións (ver Vantaxes dos Fondtesoro).
  
  
•  O investimento nos Fondtesoro está aberto a todas as persoas que o desexen e que estean dispostas a efectuar o investimento mínimo correspondente. Este mínimo non pode superar os 300 €. Na práctica, as Sociedades Xestoras fixaron na maioría dos Fondtesoro cantidades inferiores.
  
  
• A principal vantaxe dos Fondos de investimento é a súa liquidez: o partícipe pode retirarse, en parte ou totalmente, do Fondo en calquera intre. O único que cómpre facer é solicitar á Sociedade Xestora o reembolso das súas participacións. As Sociedades Xestoras teñen que reembolsar as participacións dos partícipes que o soliciten nun prazo máximo de setenta e dúas horas. Na práctica, as Sociedades Xestoras o fan nun prazo menor. Para garantir esta liquidez, as Sociedades Xestoras teñen que manter unha parte dos recursos do fondo en efectivo, con vistas a atender as solicitudes de reembolso. No caso de que o investidor solicite un reembolso superior a 300.506,05 € as Sociedades Xestoras poderán requirir un aviso previo de dez días.
  
  
•  Os Fondtesoro son ademais un investimento seguro. Por unha parte, polo feito de que os Fondtesoro invisten gran parte do seu patrimonio en Valores del Tesoro; por outra parte, pola supervisión a que son sometidas as Sociedades Xestoras pola Comisión Nacional do Mercado de Valores. Ademais, o Tesoro Público vixía o cumprimento das cláusulas do convenio que ten subscrito con estas entidades en aspectos como composición da carteira, comisións, información, etc.
  
  
•  Ademais de seguro, o investimento en Fondtesoro tamén é atractivo polas súas comisións competitivas que foron limitadas no actual convenio Fondtesoro (ver Comisións e Vantaxes dos Fondtesoro).