Menú Izquierda
Contenido
Zer da Tesoro Público?
Altxorraren eta Finantza Politikaren Zuzendaritza Nagusia Ekonomia eta Ogasun Ministerioaren Ekonomiako Estatu Idazkari atxikita dago. Bere funtzioak ekainaren 25eko 1552/2004 Errege Dekretuak arautzen ditu; dekretu horren bitartez garatzen da Ekonomia eta Ogasun Ministerioaren oinarrizko egitura organikoa. Bere bulegoak helbide honetan kokatuta daude: Paseo del Prado, 6, Madrilen.
Altxorraren eta Finantza Politikaren Zuzendaritza Nagusiari dagozkion eskumenak hauek dira:
Estatuko altxortegiaren kudeaketa, kanpo-ordainketak, Estatuko bermeak, txanpongintza eta ordainketen antolaketa zentrala, Tesoro Público eskuestea eta kontrola, eta Gordailu Kutxa Orokorraren kudeaketa.- Aztertzea, proposatzea eta kudeatzea, batetik, Estatuaren zorpetzea, bestetik, Estatu-zorreko zorroaren egitura eta finantza-arriskuak, eta azkenik, Estatu-zorraren banaketaren eta likideziaren sustapena.
- Finantza-politika zuzentzea eta garatzea, eta hauei dagozkien xedapenak egitea eta izapidetzea: finantza- eta kreditu-erakundeak, balore-merkatuak, ordaintzeko sistemak eta tresnak, kotizatutako sozietateen erregimena, korporazioaren gobernu egokia, kanpora begirako kapitalen mugimenduak eta salerosketa ekonomikoak.
- Abenduaren 28ko 19/1993 Legeak kapitalen zuritzea prebenitzeko ezarritako neurrien gaineko eskumenak betetzea, baita ere, behar diren ikerkuntza eta ikuskaritza guztiak egitea, kanpora begirako kapitalen mugimendu eta ekonomia-salerosketen gaineko erregimen juridikoko arau-hausteak prebenitzeko.
- Koordinatzea Europar Batasuneko Ekonomi eta Finantza Batzordeko diru- eta finantza-kontu guztiak.
