Menu Secundario
Contenido
Altxorraren baloreen abantailak
Altxorraren Baloreek zenbait abantaila dituzte inbertitzeko beste aukeren aldean:
Segurtasuna: Altxorraren Baloreetan inbertitzen duena ziur egon daiteke balore horiengatik jaso dezakeen diru-kopurua kobratuko duela. Espainiako Konstituzioak, 135. artikuluan honakoa xedatzen du: "Estatuko Zor Publikoaren interesak eta kapitalak ordaintzeko kredituak Aurrekontuen gastuen egoeraren barnean ulertuko dira beti."
- Errentagarritasuna: Altxorraren Baloreek, nahiz eta inbertsioa seguruagoa izan, errentagarritasun handia eskaintzen dute, betiere jaulkitzen duten unean indarrean dauden interes tasekin bat etorriz.
- Likidezia: Altxorraren Baloreak, gure herrialdean jaulkitako baloreen artean likidezia handiagoa dutenak dira, alde nabariarekin gainera; alabaina, Altxorraren balore ugari jaulkitzen dituzte, eta Estatuko Zorraren merkatua bizkortasunez aritzen da. Hortaz, inbertitzaileak Altxorraren Baloreetan egindako inbertsioa diru bihurtu behar badu, edozein momentuan egin dezake, erosotasun handiz,eta kostu txikiekin.
- Tresna aukera zabala, bereziki, bere aurrezkiaren epeari dagokionez: epe oso murritzetik (Estatuko Zorraren gaineko berrerosketen bidez) 30 urterainoko epeetara (epemuga hori duten Obligaciones del Estado bidez).
- Erosteko erraztasuna: Altxorraren Baloreak asko hedatu dira, eta horri esker edozein finantza-artekariren bidez eskura daitezke. Espainiako Bankuaren eta Internet bidez ere eskura daitezke Altxorraren baloreak.
